चैत २२, इलाम । चियाको हब इलाम जिल्लामा यतिबेला चियाको पहिलो टिपाइ सुरु भएको छ । इलममा भएका बगानहरुको चियामा नयाँ मुना पलाएपछि पहिलो टिपाइ सुरु गरिएको हो ।
किसानको भनाइ अनुसार यस वर्ष ढिलो पानी परेकाले चिया पनि ढिलो गरी नै पलाएको हो । गएका वर्षहरुमा चियाको पहिलो टिपाइ चैत पहिलो साता नै हुने गरेको थियो । तर यस वर्ष पानि ढिला
परेकोले चैत अन्तिममा मात्र चियाको टिपाइ सुरु भएको हो ।
अहिले जिल्लाको
तल्लो क्षेत्रमा चिया टिप्न सुरु गरिएको छ भने माथिल्लो क्षेत्रमा अझै चिया पलाइसकेको छैन । किसान ठाकुर खतिवडाका अनुसार लेकाली क्षेत्रमा अझै मुना पलाएको छैन । यो समयमा मध्यम र तातो बढेका क्षेत्रमा मुना पलाएकाले चिया टिप्न सुरु
गरिएको जनाइएको छ । चियाको पहिलो उत्पादन गुणस्तरीय हुने गर्दछ भने यो पहिलो चिया महङ्गो मूल्यमा बिक्ने गरेको छ ।
पहिलो टिपाइलाई ‘फस्ट फसल’ भन्ने गरिन्छ । ‘फस्ट फसल’ बाट गुणस्तरीय
चिया निर्माण हुने भएकाले विदेशी नागरिकले समेत पहिलो टिपाइ नै खोज्ने गरेका छन् ।
बगानका मजदुर चियाको टिपाइ सुरु भएपछि व्यस्त बनेका छन् भने चिया कारखानाले पनि चिया प्रशोधनको तयारी सुरु गरेका छन् ।
- न्युज बहार संवाददाता
