माघ ४, म्याग्दी । म्याग्दी । म्याग्दीको बेनी नगरपालिकाका कृषकद्वारा उत्पादित सुन्तलालाई अहिले चिस्यान गृहमा भण्डारण गरिएको छ । सुन्तला भण्डारण बेनी–४ सिंगामा निर्माण भएको चिस्यान गृहमा गरिएको हो । बेमौसममा बजारमा पठाउने तयारीसहित चिस्यान गृहमा सुन्तला भण्डारण गरिएको बेनी–४ का वडाध्यक्ष अणबहादुर खड्काले बताएका छन ।
खड्का अनुसार
“बेनी –३ को राखु,
मरेक, वडा नम्बर–४ को सुर्केमेला, बास्कुना
र
थामडाँडाका कृषकबाट चार सय क्रेट सुन्तला सङ्कलन गरेर राखीको हो भने सुन्तलापछि जिल्ला भरका कृषकले उत्पादन गरेको आलुलगायत
कृषिउपज भण्डारण गर्ने तयारी समेत गरिएको छ ।
अगामी
फागुन चैत महिनाको बेमौसममा बजारमा अहिले चिस्यान गृहमा राखेको सुन्तला पठाएर बढी
मूल्य पार्न सकिने वडाध्यक्ष खड्काले जनाए । बेनी नगरपालिकाले कृषिउपज सङ्कलन, भण्डारण र व्यवस्थापनका लागि गत
असोजमा चिस्यान गृह निर्माण सम्पन्न गरेको थियो ।
म्याग्दीको रघुगङ्गा गाउँपालिका वडा नम्बर २ भगवतीमा २५
मेट्रिक टन र वडा नम्बर –५ झिँमामा २० मेट्रिक टन र क्षमताको
चिस्यान गृह निर्माण भएको छ । गाउँपालिकाका इञ्जिनियर सुदीप गौतमका अनुसार झिँमा रु २१ लाख ७८ हजारको
लागतमा चिस्यान गृह निर्माण भएको हो ।
- न्युज बहार संवाददाता
