चैत ४,   इलाम । ४० रोपनी क्षेत्रफलमा किवीखेती गर्दै आएका इलाम जिल्ला सन्दकपुर गाउँपालिका–३ का तारामणि सापकोटाले यस खेतीमा सुरुमा लगानी धेरै भए पनि दिगो फाइदा लिन सकिने र बजार अभाव नहुने बताएका छन । उनले यस खेतीमा दिगो फाइदा देखेर नै आफु यस तर्फ लागेको बताएका हुन ।

उनका अनुसार किवीमा लगानी गर्दा फाइदा हुने बुझेपछि घरमै विरुवा उत्पादन गरी किवीखेती सुरु गरेको हुन । सापकोटाका कै वडाका अर्का किसान देवेन्द्र सुवेदीले आफ्नो अलैँची उत्पादन हुने पाँच रोपनी क्षेत्रको जग्गामामा किवीखेती गरेका छन ।

सन्दकपुर गाउँपालिका–५ जमुनाका किसान युवराज भट्टराईका अनुसार किवी प्रतिकिलो रु एक सयदेखि रु दुई सय ५० सम्म बिक्री हुने गरेको छ  भने उत्पादन गरिएको किवी बेच्नका लागि बजारको समस्या छैन । उनले भने, “व्यापारीहरुले बगानबाटै गे्रडिङ गरी प्रतिकिलो रु ७० देखि रु एक सय सम्ममा खरिद गर्दछन्, बजार पुर्याउन सकियो भने प्रतिकिलो रु दुई सय ५० सम्ममा सजिलै बिक्री हुन्छ।” 

फिक्कलमा अघिल्लो आव ०७९/८० मा सात सय असी हेक्टर क्षेत्रमा किवी खेती गरिएकोमा यस वर्ष आठ सय ९० हेक्टर क्षेत्रमा किवी खेती गरिएको छ । यसरि किवी खेती बढ्दै जाँदा दुई हजार आठ सय ५२ मेट्रिक टन किवी उत्पादन भएको छ । अहिले सन्दकपुरका किसानले करेसाबारीमा समेत किवी खेती गर्न थालेका छन । यसले गर्दा अहिले उत्पादन वृद्धि  हुन थालेको छ । 

• न्युज बहार संवाददाता