असार १८, जुम्ला । नेपालको हिमाली जिल्ला जुम्लाका गोठहरुमा पनि लम्पी स्किन रोगको सङ्क्रमण भेटिएको छ । जुम्लाको तिला गाउँपालिका–२ बस्ने धनबहादुर नेपालीले गाउँभरका गाईभैँसीमा लम्पी स्किन रोग देखिएको जानकारी दिएका हुन ।
यस रोगको सङ्क्रमणबाट लिही गाउँका करिब ३० वटा गाईगोरु मरिसकेको उनले बताएका छन। रोगलाई नियन्त्रण गर्न र अन्य गाईगोरुमा सर्न नदिनका लागि गाउँपालिकालाई आवश्यक औषधि उपचारको व्यवस्थापनका लागि अनुरोध गरिएको नेपालीले बताएका छन।
यता तिला गाउँपालिका अध्यक्ष मोतीलाल रोकायाले पालिकाका केही वडामा लम्पी स्किन रोगबाट गाईगोरु मरेको जानकारी आएको र रोगबाट बढी प्रभावित क्षेत्रलाई प्रथामिकतामा राखि आवश्यक प्रकृया सुरु गरि उपचार थालिएको जनाएका छन। पशु सेवा कार्यालय जुम्लाको सहकार्यमा बढी प्रभावित क्षेत्रमा तत्कालका लागि औषधि ल्याई पशु प्रविधिकलाई स्थलगतरुपमा खटाई उपचार सुरु गरिएको समेत जनाएका छन।
- न्युज बहार संवाददाता
