माघ २९, इलाम । पछिल्लो समय इलाम जिल्ल चुलाचुलीका अधिकांश किसानहरु सिमल तरुल खेतीतर्फ आकर्षित भएका छन् । किसानले मकै, धान तथा कोदोलगायत अन्नबाली उब्जनी हुने खेतीयोग्य जमिनमा तरुल खेती गरेर मनग्य आम्दानी समेत लिन थाले सुरु गरेका छन ।

चुलाचुली गाउँपालिका–५ का किसान मतिराज राईका अनुसार अन्य बालीभन्दा सिमल खेती गर्न सजिलो र आम्दानीसमेत बढी हुने भएकाले त्यसतर्फ किसानको आकर्षण बढे हो । उनले भने “सिमल खेती गर्न बढी मेहनत गर्नुनपर्ने र अन्य खेतीभन्दा सजिलो छ त्यसैले यसको खेतीतर्फ किसानको आकर्षण बढेको हो।”

सिमल खेती थोरै लगानीमा गर्न सकिने र यसबाट राम्रो आम्दानी लिन सकिने भएकाले यहाँको किसानको रोजाइमा परेको हो । एकल तथा सामूहिकरुपमा व्यावसायिक सिमल यहाँका किसानले खेती गर्दै आएका छन् । चुलाचुली–४ का किसान धनबहादुर योगीका अनुसार घरमा खाजाका लागि रोपण हुँदै आएको सिमल तरुलको माग पछिल्ला दिनमा बजारमा बढेसँगै व्यावसायिक खेती विस्तार हुन थालेको छ । भने पहिले पहिले सिमल घरमा खाजा खानका लागि मात्र रोप्ने गरिन्थ्यो, तर पछिल्लो समय यसको बजारमा माग बढेपछि अन्य खेती मासेर व्यावसायिक रूपमा नै यसको खेती गर्न थालिएको छ । 

• न्युज बहार संवाददाता