असार २२, गण्डकी । बर्सेनि गण्डकी प्रदेशमा धान खेतीको क्षेत्रफल घट्दै जाने क्रममा रहेको छ । आर्थिक वर्ष २०७७/७८ मा एक लाख १२ हजार दुई सय २७ हेक्टरमा वर्षे धान लगाइएकोमा गत आर्थिक वर्षमा धान खेतीको क्षेत्रफल घटेर एक लाख चार हजार छ सय ३२ हेक्टरमा मात्र सीमित बबन्न पुग्यो। 

अझ अच्चमको कुरा त यस वर्ष गत आर्थिकको तुलनामा अझ घटेर ९७ हजार आठ सय ५१ हेक्टर क्षेत्रफलमा मात्र वर्षे धान लगाइने अनुमान प्रदेशको कृषि विकास निर्देशनालय गरेको छ । बर्सेनि घट्दै गरेको रोपाइँको क्षेत्रफलले धान उत्पादनमा पनि गिरावट आइरहेको तथ्याङ्कले देकाएको छ । 

गत आर्थिक वर्षको तुलनामा यो वर्ष तीन दसमलव ७४ प्रतिशतले धान कम फलेको थियो । चालु आवमा तीन लाख ९१ हजार एक सय २१ मेट्रिक टन धान उत्पादन भएको निर्देशनालयको तथ्याङ्कले देखाएको छ । निर्देशनालयको तथ्याङ्क अनुसार गण्डकी प्रदेशमा गत आर्थिक वर्षमा चार लाख छ हजार तीन सय ३६ मेट्रिक टन धान उत्पादन भएको थियो । 

• न्युज बहार संवाददाता