चैत २०, चितवन । यति बेला चितवनको कालिका नगरपालिका–२, पदमपुरका ५३ वर्षीय नवराज
तिमल्सेना र उनको समूहलाई भ्याइनभ्याई भइरहेको छ । उनीहरू अहिले केरा खेतीबाट केरा
निकाल्नमा व्यस्त छन् रहेका छन । उक्त केरा खेती ७५ बिघा जमिनमा फैलिएको छ । अहिले
हालै थप गरिएको ८० बिघा जमिनमा बिरूवा रोप्न पनि भ्याइनभ्याई भइरहेको छ ।
दाङमा
ठूलो क्षेत्रफलमा दुई वर्षदेखि नवराजसहित चितवनकै नीरबहादुर तामाङ, कृष्णप्रसाद
दाहाल र
राजाबाबु मिलेर व्यावसायिक केरा खेती गरिरहेका छन । विगतदेखि नै यी चारै जनाले
चितवनमा केरा खेती गरिरहेका थिए ।
उनीहरू
आलोपालो गरेर केरा खेतीको हेरचाह गर्छन ।
केरा
खेतीका लागि उनिहरुले स्कुलको जग्गा प्रतिकट्ठा मासिक ६२३ रुपैयाँका
दरले टेन्डरमा पारेका थिए भने त्यसबाहेक व्यक्तिका जग्गा प्रतिकट्ठा मासिक एक
हजारदेखि १५ सय रुपैयाँसम्ममा भाडामा लिएका छन् ।
बजार राम्रो पाउने भएकाले ९० प्रतिशत जति ‘मालभोग’ जातको केरा लगाइएको तिमल्सेनाले
जनाएका छन । ‘मालभोग’ बाहेक याहाँ ‘जिनाइन’ जातको केरा पनि लगाइएको छ ।
उनका
अनुसार मालभोग केराको बिरुवाले १२ देखि १४ महिनामा उत्पादन दिन्छ भने पहिलोपटक
केरा रोपेको १४ महिनामा सबै उत्पादन बजार पुर्याएको थियो ।
तिमल्सेना
लगायत समुहले गत वर्ष झन्डै डेढ करोड रुपैयाँको केरा बेच्न सफल भएका थिए । यस वर्ष
दुई करोड रुपैयाँको बिक्री हुने अनुमान गरिएको छ ।
- न्युज बहार संवाददाता
