मंसिर २५, नवलपरासी । अम्रिसो खेतीबाट नवलपरासी (बर्दघाट–सुस्तापूर्व) जिल्ला गैँडाकोट नगरपालिकाको पहाडी गाउँका कृषकले मनग्य आम्दानी गर्ने गरेका छन । गैँडाकोट नगरपालिका वडा नम्बर ३ र १८ का किसानले लगाएको अम्रिसोले भू–क्षय तथा पहिरो रोकथाममा सहयोग गर्नुका साथै वैकल्पिक आम्दानीको स्रोत पनि बन्दै गएको छ ।
अहिले वडामा भिरालो जमिनमा अम्रिसोखेती गर्ने किसानहरू बढ्दै गएका छन भने यसले पहिरो रोकथाममा समेत सहयोग गर्ने विश्वास रहेको छ ।
वडाका बसेनी, दमार लगायत स्थानका
किसानले सिँचाइ अभाव भएका क्षेत्रमा वैकल्पिक बालीका रुपमा रूपमा अम्रिसोखेती गरिरहेका छन् । सिँचाइ अभाव भएका ठाउँमा अन्य
खेती नहुने र अम्रिसो लगाएपछि बारी बाँझो पनि नरहेन तथा बर्खामा परेको
पानीले जमिन कटान हुनबाट रोक्ने भएकाले अहिले किसानहरु यसतर्फ आकर्षित हुन थालेका छन । अहिले जिल्लामा अम्रिसो खेती गर्ने किसान बढ्दो छन ।
यसरी अम्रिसोखेती
गर्न चाहने किसानलाई पालिकाले सहजीकरण गरेर बिरुवा उपलब्ध गराइरहेको छ । आम्दानी पनि हुने भएकाले पछिल्लो समय किसानको जीविकोपाजर्नमा
वैकल्पिक आम्दानीको स्रोत अम्रिसो खेती बन्दै गएको छ । अम्रिसोका लागि मेहनत बढी गर्नु नपर्ने भएर खेती गर्न पनि सजिलो
हुने किसानहर बताउँछन ।
घर सफा गर्ने कुचो अम्रिसोबाट बनाएर बिक्री गरिने हुनाले यसमा बजारको अभाव हुँदैन । यहाँको अम्रिसोको
कुचो नवलपुर बजार क्षेत्र, नारायणगढ, बुटवलका व्यापारीको सहयोगमा भारत र बङ्गलादेशसम्म पुग्ने गरेको
छ ।
- न्युज बहार संवाददाता
