जेठ १४, काठमाडौँ । सबै बालीको चालु आर्थिक वर्षमा उत्पादन बढ्ने अनुमान गरिएको छ । आर्थिक सर्वेक्षण २०८०/०८१ मा नगदेबालीका रूपमा रहेका आलु र तेलहन बालीको उत्पादन ५.०७ प्रतिशत र धान, मकै, गहुँ लगायत खाद्यान्न बालीको उत्पादन ४.३६ प्रतिशतले बढ्ने अनुमान गरिएको हो ।
यस्तै, दलहन बाली ४.७९ प्रतिशत, औद्योगिक बालीको उत्पादन ४.६३
प्रतिशत, फलफूल
बाली ०.६७ प्रतिशत, मसलाबाली ३.७४ प्रतिशत, र तरकारी ०.५२ प्रतिशतले वृद्धि
हुने अनुमान रहेको छ ।
कृषि
बाली लगाइएको क्षेत्रफलमध्ये चालु आर्थिक वर्ष खाद्यान्न बाली लगाइएको क्षेत्रफलको
हिस्सा उच्च रहेको छ भने गत आर्थिक वर्षको तुलनामा तरकारी बालीको हिस्सामा केहि
वृद्धि भइ खाद्यान्न बालीको हिस्सामा भने सामान्य कमी आएको आर्थिक सर्वेक्षणले
जनाएको छ ।
- न्युज बहार संवाददाता
