चैत २८, काठमाडौँ। इण्डियन प्रिमिएर लिग (आइपिएल) २०२३ मा लखनउ
सुपरजायन्टले रोयल च्यालेन्जर्स बेंग्लोरमाथि १ विकेटको रोमाञ्चक जित हात पारेको
छ।
सोमबार राति बेंगलुरुमा भएको खेलमा पहिले ब्याटिङ गरेको बेंग्लोरले २ विकेटको क्षतिमा २१२ रनको फराकिलो लक्ष्य जोडेको थियो। आरसिबीका लागि विराट कोहलीले ६१ रन जोड्दा कप्तान फाप डु प्लेसिसले नटआउट ७९ रन बनाएका थिए। साथै ग्लेन म्याक्सवेलले ५९ रनको योगदान दिएका थिए।
२१३ रन फराकिलो लक्ष्यलाई लखउनले अन्तिम बलमा ९ विकेट गुमाएर पार गरेको हो।
लखनउका लागि मार्कस स्टोइनिसले ६५ रन जोडे भने १५ बलमा अर्धशतक प्रहार गरेका निकोलास पूरनले ६२ रन बनाएका हुन। पूरनले १९ बलमा ४ चौका र ७ छक्का प्रहार गरेर टिमलाई जिताउन सफल भए।
यो जित सँगै अंक तालिकाको शीर्ष स्थानमा पुगेको लखनउले चार खेलबाट ६ अंक बनाएको छ।
- न्युज बहार संवाददाता
