असोज
२७, काठमाडौँ । हमासको नियन्त्रणमा
रहेका भनिएका विपिन जोशीको निधन भएको पुष्टि भएको छ। इस्रायली सेनाका प्रमुख
प्रवक्ता ब्रिगेडियर जनरल एफी डेफ्रिनले सोमबार दिउँसो हमासले फिर्ता गर्न लागेको
चार जना मृत बन्धकको विवरण सार्वजनिक गरेका हुन्।
‘द जेरूसेलम पोस्ट’को अनुसार, सोमबार साँझ हमासले ती चारजनाको शव
इस्रायललाई फिर्ता गर्ने तयारी गरिरहेको छ। मृतकहरूको नाम हमासले सार्वजनिक
गरिसकेको छ, जसमा विपिन जोशीसहित
गाइ इलाउज, योसी शाराबी र
ड्यानियल पेरेज पनि छन्।
यसअघि विपिन जोशीको
अवस्थाबारे स्पष्ट जानकारी थिएन, तर अब हमासले उनको
मृत्यु पुष्टि गरेको छ।
- न्युज बहार संवाददाता
