जेठ ५, काठमाडौँ। चिनको जिङ्सी शहरमा बस दुर्घटना हुँदा ११ जनाको मृत्यु भएको छ। आज शुक्रबार दक्षिण चीनको गुआङ्सी झुआङ स्वायत्त क्षेत्रको जिङ्सी शहरमा बिहान भएको सडक दुर्घटनामा ११ जनाको मृत्यु भएको छ स्थानिय सञ्चार माध्यमहरुले जनाएको छ। आज बिहान साढे ६ बजेतिर १४ जना सवार गाडी सिमिङ गाउँको सडकखण्डको भीरको किनारमा पल्टिँदा सो दुर्घटना भएको स्थानीय अधिकारीहरूले जानकारी दिएका हुन ।
उक्त दुर्घटनाको पुष्टि गर्दै जिङ्सी नगरपालिका सरकारले जारी गरेको विज्ञप्तिमा तीन व्यक्ति भने भाग्न सफल भएको बताइएको छ।
अहिले उद्धार कार्य जारी रहेको र दुर्घटनाको कारणबारे अनुसन्धान शुरु गरिएको जानकारी दिइएको छ।
- न्युज बहार संवाददाता
