चैत १, काठमाडौँ
। मौसम पूर्वानुमान महाशाखाका अनुसार हाल नेपालमा पश्चिमी न्यून चापीय प्रणालीको
साथै स्थानीय वायुको पनि आंशिक प्रभाव रहेको छ । यी दुबैको संयुक्त प्रभावले हाल कर्णाली प्रदेश र सुदूरपश्चिम
प्रदेश लगायत देशको पहाडी भूभागमा आंशिक बदली रहेको छ ।
आज
बिहिबार दिउँसो सुदूरपश्चिम प्रदेशलगायत देशको पहाडी भूभागमा आंशिकदेखि साधरणतया
बदली रहने छ भने कर्णाली प्रदेश, सुदूरपश्चिम प्रदेश र गण्डकी प्रदेशको पहाडी भूभागको एक–दुई स्थानमा छिटपुट देखि हल्का
वर्षाको सम्भावना रहेको छ । साथै देशको हिमाली भूभाग तथा उच्च पहाडी भागको एक–दुई स्थानमा हल्का हिमपातको
सम्भावना रहेको छ। लुम्बिनी प्रदेश अन्तर्गतको थोरै स्थानहरूमा हावा–हुरीको समेत सम्भावना रहेको महाशाखाले
जनाएको छ ।
त्यसैगरी
एकादुई ठाउँमा हिमापात बाहेक आज राति देशका पहाडी भूभागमा आंशिक बदली रही बाँकी
भूभागमा मौसम मुख्यतया सफा रहने छ।
- न्युज बहार संवाददाता
