जेठ १८, काठमाडौँ
। मौसम पूर्वानुमान महाशाखाका अनुसार हाल नेपालमा स्थानीय र पश्चिमी वायुको आंशिक प्रभाव तथा
भारतको बिहार आसपास रहेको न्यून चापीय प्रणालीको पनि आंशिक प्रभाव रहेको छ। यसको
प्रभावले हाल बागमती प्रदेश, मधेस प्रदेश र कोशी प्रदेशमा सामान्य बदली रही बाँकी
भूभागमा मौसम सफा रहेको छ। अहिले कोशी प्रदेशको एक–दुई स्थानमा चट्याङ्ग सहित
हल्का वर्षा भइरहेको छ ।
आज शुक्रबार
दिउँसो गण्डकी प्रदेश, बागमती प्रदेश, मधेस प्रदेश
र कोशी प्रदेशका
थोरै
स्थानहरू तथा लुम्बिनी प्रदेशका पहाडी भूभागका एक–दुई स्थानमा चट्याङसहित हल्का
वर्षाको सम्भावना रहेको छ।
त्यस्तै आज
राति गण्डकी प्रदेश, बागमती प्रदेश, मधेस प्रदेश र कोशी प्रदेश, का थोरै स्थानहरूमा तथा
लुम्बिनी प्रदेशका पहाडी भूभागका एक–दुई स्थानमा चट्याङ्ग सहित
हल्का देखि मध्यम वर्षाको सम्भावना रहेको छ।
- न्युज बहार संवाददाता
