जेठ १६, काठमाडौँ । देशमा अहिले स्थानीय वायुको साथै पश्चिमी निम्न चापीय प्रणालीको प्रभाव रहेको छ। स्थानीय वायुको साथै पश्चिमी निम्न चापीय प्रणालीको प्रभावले अहिले सुदूरपश्चिम र कर्णाली प्रदेश लगायत देशका पहाडी भू-भागहरूमा आंशिक बदली रहेको छ मौसम पूर्वानुमान महाशाखाले जनाएको छ ।
आज मंगलबार दिउँसो कर्णाली प्रदेश र सुदूरपश्चिम लगायत कोशी प्रदेश, बागमती प्रदेश, गण्डकी प्रदेश र लुम्बिनी प्रदेशका पहाडी भूभागमा आंशिक देखि सामान्य बदली रहनेछ भने कर्णाली प्रदेश र सुदूरपश्चिम प्रदेशका थोरै स्थानहरुमा तथा बाँकी पहाडी भू-भागका एक–दुई स्थानमा चट्याङ्गसहित हल्का वर्षाको सम्भावना रहेको छ।
त्यस्तै आज राति भने कर्णाली प्रदेश, सुदूरपश्चिम प्रदेश र गण्डकी प्रदेशका पहाडी भू-भागमा चट्याङ्गसहित हल्का वर्षाको सम्भावना रहेको महाशाखाले जानकारी गराएको छ।
- न्युज बहार संवाददाता
