मंसिर ३,
काठमाडौँ । मौसम पुर्वानुमान महाशाखाका अनुसार हाल देशमा पश्चिमी वायुको आंशिक
प्रभाव रहेको छ । यसको प्रभावले हाल सुदूरपश्चिम प्रदेश लगायत देशको पहाडी भूभागमा
आंशिक बदली रही बाँकी भूभागको मौसम सामान्यतया सफा रहेको छ।
आज
दिउँसो लुम्बिनी प्रदेश, गण्डकी प्रदेश, बागमती प्रदेश र कोशी प्रदेशको पहाडी
भूभागमा आंशिक बदली रही देशका बाँकी भूभागको मौसम आंशिक बदली देखि सामान्यतया सफा
रहनेछ भने गण्डकी प्रदेश, बागमती प्रदेश र कोशी प्रदेशका उच्च पहाडी तथा हिमाली
भूभागका एक–दुई
स्थानमा हल्का हिमपातको सम्भावना रहेको छ।
त्यसैगरी
आज राति भने लुम्बिनी प्रदेश लगायत देशको पहाडी भूभागमा आंशिक बदली रही गण्डकी
प्रदेश, बागमती प्रदेश र कोशी प्रदेशका उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना
रहेको महाशाखाले जनाएको छ।
- न्युज बहार संवाददाता
