भदौ १, काठमाडौँ । मौसम पूर्वानुमान महाशाखाले मनसुनको न्यून चापीय रेखा सरदर स्थान भन्दा नेपाल निकट रहेको जनाएको छ। यसको प्रभावले देशभर आंशिक देखि सामान्य बदली रही बागमती प्रदेश र गण्डकी  प्रदेशका एक–दुई स्थानमा  हल्का वर्षा भइरहेको छ।

आज दिउँसो देशभर आंशिकदेखि सामान्य बदली रही देशको पहाडी भू–भागको केही स्थानहरूमा र बाँकी भू–भागको स्थानहरूमा चट्याङ सहित हल्कादेखि मध्यम वर्षाको सम्भावना रहेको छ। साथै आज गण्डकी  प्रदेशका एक–दुई स्थानमा चट्याङ्गसहित भारी वर्षाको समेत सम्भावना रहेको छ भने लुम्बिनी प्रदेश, मधेस प्रदेश र कोशी प्रदेशका तराईका थोरै स्थानहरूमा हावा–हुरीको समेत सम्भावना रहेको छ। 

त्यसैगरी आज राति कोशी प्रदेश लगायत गण्डकी प्रदेश र बागमती प्रदेशका पहाडी भू–भागका  केही स्थानहरूमा तथा बाँकी प्रदेशका थोरै स्थानहरूमा चट्याङसहित हल्कादेखि मध्यम वर्षाको सम्भावना रहेको छ। साथै गण्डकी प्रदेश र कोशी प्रदेशका केही स्थानमा चट्याङ्गसहित भारी वर्षाको समेत सम्भावना रहेको महाशाखाले जनाएको छ ।

• न्युज बहार संवाददाता