असार २३, काठमाडौँ । जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशभर मनसुनी वायुको प्रभाव रहेको छ।

मनसुनी प्रभावले अहिले देशभर साधारणतयादेखि पूर्णतया बदली रही कोशी प्रदेश, सुदूरपश्चिम प्रदेश गण्डकी प्रदेश तथा लुम्बिनी प्रदेशका धेरै स्थानहरू तथा बाँकी प्रदेशका एक–दुई  स्थानमा  हल्कादेखि मध्यम वर्षा भइरहेको छ।

आज आइतबार दिउँसो देशभर साधारणतयादेखि पूर्णतया बदली रही सबै प्रदेशका धेरै स्थानहरूमा मेघ गर्जन/चट्याङसहित हल्कादेखि मध्यम वर्षाको सम्भावना रहेको छ भने आज सुदुरपश्चिम प्रदेश, कर्णाली प्रदेश कोशी प्रदेश, गण्डकी प्रदेश, बाग्मती प्रदेश र लुम्बिनी प्रदेश तथा मधेश प्रदेशका थोरै स्थानहरूमा  दुई स्थानमा भारीदेखि धेरै भारी वर्षाको सम्भावना रहेको छ। आज दिउँसो लुम्बिनी प्रदेश, गण्डकी प्रदेश, सुदुरपश्चिम प्रदेश र कर्णाली प्रदेशका एक–दुई  स्थानमा अति भारी वर्षाको पनि सम्भावना रहेको छ ।

आज राति देशभर साधारणतयादेखि पूर्णतया बदली रहने छ। मधेश सबै प्रदेशका केही स्थानमा मेघ गर्जन/चट्याङसहित हल्कादेखि मध्यम वर्षाको सम्भावना रहेको छ भने सुदुरपश्चिम प्रदेश, लुम्बिनी  प्रदेश र गण्डकी प्रदेशका एक–दुई स्थानमा भारी वर्षाको सम्भावना रहेको महाशाखाले जनाएको छ ।

• न्युज बहार संवाददाता