जेठ २०, काठमाडौँ। आगामी केही दिनसम्म देशका तराई भू–भागमा तातो हावा तथा ‘लू’ लाग्न सक्ने सम्भावना रहेको छ। ‘लू’ लाग्न सक्ने सम्भावना भएकोले सोबाट बच्न आवश्यक सतर्कता अपनाउन जल तथा मौसम विज्ञान विभाग मौसम पूर्वानुमान महाशाखाले अनुरोध गरेको छ।
महाशाखाले तातो दिन तथा लूसम्बन्धी विशेष बुलेटिन जारी गर्दै अबका पाँच दिनसम्म आवश्यक सतर्कता अपनाउन अनुरोध गरेको हो।
‘आगामी केही दिनसम्म देशभरको तापक्रमको अवस्था तथा विश्लेषणअनुसार तराईका धेरैजसो भू–भागमा अधिकतम र न्यूनतम तापक्रम क्रमिक रूपमा बढ्दै जाने देखिएको छ। तसर्थः तराईका भू–भागमा तातो हावा र लूबाट बच्न आवश्यक सतर्कता अपनाउन अनुरोध छ गरिएको हो।
अबका तीन दिनसम्म लूचल्ने सम्भावना रहेको महाशाखाका मौसमविद् गोविन्दकुमार झाले बताएका छन।
- न्युज बहार संवाददाता
