बैशाख
१२, काठमाडौँ । मौसम पुर्वानुमान महाशाखाका अनुसार हाल नेपालमा पश्चिमी वायु र
स्थानीय वायुको संयुक्त प्रभाव रहेको छ । याको प्रभावले हाल देशका पहाडी भूभागमा
आंशिक बदली रही बाँकी भूभागको मौसम सफा रहेको छ।
आज बुधबार
दिउँसो कोशी प्रदेश, गण्डकी प्रदेश, कर्णाली प्रदेश र सुदूरपश्चिम
प्रदेशका पहाडी भूभागमा आंशिक देखि यी प्रदेशका पहाडी भूभागका एक–दुई स्थानमा चट्याङ्गसहित
छिटपुट देखि हल्का वर्षाको सम्भावना रहेको छ । लुम्बिनी प्रदेश लगायत देशको तराईका
केही स्थानहरूमा हावा हुरीको सम्भावना महाशाखाले जनाएको छ।
त्यसैगरी
आज राति कोशी प्रदेश, गण्डकी प्रदेश
र कर्णाली प्रदेशका पहाडी भूभागमा आंशिक बदली तथा यी प्रदेशको पहाडी भूभागका एक–दुई स्थानमा चट्याङ्गसहित
छिटपुट देखि हल्का वर्षाको सम्भावना रहेको छ। आज राति लुम्बिनी प्रदेशको तराईका
थोरै स्थानहरूमा हावा हुरीको सम्भावना रहेको छ।
- न्युज बहार संवाददाता