चैत
४, काठमाडौँ। अहिले दिनहु जस्तो देशका विभिन्न क्षेत्रमा मेघ गर्जनसहित हल्कादेखि
मध्यम वर्षा भइरहेको छ।
आज
दिउँसो पनि देशको पहाडी भू-भागका केही स्थान तथा तराई भू-भागका थोरै स्थानमा मेघ
गर्जन र चट्याङ तथा हावा हुरीसहित हल्कादेखि मध्यम वर्षाको सम्भावना रहेकोले सचेत
रहन जल तथा मौसम पूर्वानुमान महाशाखाले जानकारी दिएको छ।
स्थानीय
वायु र पश्चिमी वायुको सामान्य प्रभाव रहीरहेकाले आज राति पनि देशभर आंशिकदेखि
सामान्य बदली रहने छ। देशका पहाडी भू-भागका थोरै स्थानहरुमा तथा मधेस प्रदेश , कोशी
प्रदेश र बागमती प्रदेशको तराई भू-भागका एक-दुई स्थानमा मेघ गर्जन र
चट्याङसहित हल्कादेखि मध्यम वर्षाको सम्भावना रहेको महाशाखाले बताएको छ।
यो
प्रक्रिया कम्तिमा भोली आइतबार सम्म रहेन महाशाखाले जनाएको छ।
- न्युज बहार संवाददाता
