बैशाख
१०, काठमाडौँ । मौसम पूर्वानुमान महाशाखाका अनुसार हाल नेपालमा पश्चिमी वायु र
स्थानीय वायुको आंशिक प्रभाव रहेको छ । यसको प्रभावले आज
सोमबार सुदूरपश्चिम प्रदेश, गण्डकी प्रदेश
र कर्णाली प्रदेशका
पहाडी भू-भागमा आंशिकदेखि साधारणतया बदली रही बागमती प्रदेश, मधेस प्रदेश र कोशी प्रदेशमा
आंशिक बदली रही बाँकी भू-भागमा मौसम सफा रहेको छ |
कर्णाली प्रदेश,
गण्डकी प्रदेश र
सुदूरपश्चिम प्रदेशका पहाडी भू-भागका थोरै स्थानहरूमा तथा कोशी प्रदेश र बाग्मती
प्रदेशको पहाडी भू-भागका एक-दुई स्थानमा मेघगर्जन र चट्याङसहित हल्का वर्षाको
सम्भावना रहेको महाशाखाले जनाएको छ ।
मधेस
प्रदेश, कोशी प्रदेश र लुम्बिनी प्रदेशको तराई भू-भागका केही स्थानहरूमा हावाहुरीको
सम्भावना रहेको छ।
- न्युज बहार संवाददाता