बैशाख ४,
काठमाडौँ । मौसम पूर्वानुमान महाशाखाका अनुसार हाल नेपालमा पश्चिमी वायु र स्थानीय वायुको संयुक्त प्रभाव रहेको छ।
यसको प्रभावले लुम्बिनी प्रदेश, कर्णाली प्रदेश र सुदूरपश्चिम प्रदेश लगायत देशका पहाडी भूभागमा अहिले
आंशिक बदली रही बाँकी भूभागको मौसम सफा रहेको छ ।
आज
दिउँसो देशको पहाडी भूभागमा आंशिकदेखि साधरणतया बदली रही देशका पहाडी भूभागको थोरै
स्थानहरूमा चट्याङ्गसहित हल्कादेखि मध्यम वर्षाको सम्भावना रहेको छ । सुदूरपश्चिम
प्रदेश, कर्णाली प्रदेश, लुम्बिनी प्रदेश र गण्डकी प्रदेशका केही
स्थानहरूमा तथा बाँकी प्रदेशका थोरै स्थानहरूमा हावा हुरीको सम्भावना रहेको छ।
आज राति
कोशी प्रदेशको पहाडी भूभागका थोरै स्थानहरू र बागमती प्रदेश र गण्डकी प्रदेशको पहाडी भूभागको
थोरै स्थानहरूमा चट्याङ्गसहित हल्कादेखि मध्यम वर्षाको सम्भावना रहेको महाशाखाले
जनाएको छ ।
- न्युज बहार संवाददाता
