फागुन ८, काठमाडौँ । अहिले देशमा पश्चिमी वायुको आंशिक
प्रभाव रहेको छ। गण्डकी प्रदेश, प्रदेश १, लुम्बिनी प्रदेश, बागमती प्रदेश, र कर्णाली प्रदेशका पहाडी
भू-भागमा आंशिकदेखि सामान्य बदली रही बाँकी भू-भागहरूमा आंशिक बदलीदेखि मौसम सामान्यतया सफा रहने मौसम
पुर्वानुमान महाशाखाले जानकारी दिएको छ ।
सोमबार प्रदेश नं १ र बागमती प्रदेशका
उच्च पहाडी तथा हिमाली भू-भागका एक-दुई स्थानहरूमा हल्का हिमपातको सम्भावना पनि रहेको छ।
त्यस्तै मंगलबारको मौसम पुर्वानुमानमा प्रदेश नं १ लगायत बागमती
प्रदेश र गण्डकी प्रदेशका पहाडी भू-भागमा आंशिकदेखि सामान्य बदली तथा देशका बाँकी
भू-भागहरूमा आंशिक बदली रहनेछ।
त्यसैगरी प्रदेश नं १, बागमती प्रदेश र गण्डकी
प्रदेशका उच्च पहाडी तथा हिमाली भू-भागका थोरै स्थानहरूमा हल्का हिमपातको सम्भावना
रहेको महाशाखाले जानकारी दिएको छ।
