बैशाख ११, काठमाडौं । देशमा अहिले पश्चिमी वायुको साथै स्थानीय वायुको प्रभाव रहेको छ। पश्चिमी वायुको साथै स्थानीय वायुको प्रभावले कोशी प्रदेश र मधेश प्रदेश लगायत देशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने मौसम पूर्वानुमान महाशाखाले बताएको छ।

आज सोमबार दिउँसो देशभर आंशिक देखि सामान्यतया बदली रहि अपरान्ह पछि देशका थोरै स्थानहरुमा मेघ गर्जन र चट्याङ्ग सहित हल्का र क्षणिक वर्षाको  सम्भावना रहेको महाशाखाले जनाएको छ। साथै तराईका थोरै स्थानहरूमा हावाहुरीको समेत सम्भावना रहेको छ।

आज राती भने सुदूरपश्चिम प्रदेश, लुम्बिनी प्रदेश, कर्णाली प्रदेश र गण्डकी प्रदेश लगायत देशका पहाडी भू-भागमा आंशिक देखि सामान्यतया बदली रही बाँकी भू-भागमा मौसम सामान्यतया सफा रहने र देशका पहाडी भू-भागका थोरै स्थानहरुमा मेघ गर्जन र चट्याङ्गसहित हल्का र क्षणिक वर्षाको सम्भावना रहने पुर्वानुमान महाशाखाको रहेको छ ।

• न्युज बहार संवाददाता