बैशाख १५, काठमाडौँ । देशमा अहिले पश्चिमी वायुको साथै स्थानीय वायुको प्रभाव रहेको छ।
अहिलेको पश्चिमी वायुको साथै स्थानीय वायुको प्रभावले हाल मधेस प्रदेश र कोशी प्रदेश लगायत अन्य प्रदेशका पहाडी भू-भागहरूमा आंशिकदेखि सामान्य बदली रहेको मौसम पूर्वानुमान महाशाखाले जनाएको छ।
आज शुक्रबार दिउँसो सुदूरपश्चिम प्रदेश, कर्णाली प्रदेश, गण्डकी प्रदेश र कोशी प्रदेश कापहाडी भू-भागमा आंशिक बदली रहनेछ भने गण्डकी प्रदेश, सुदूरपश्चिम प्रदेश र कर्णाली प्रदेशका पहाडी भू-भागका थोरै स्थानहरूमा तथा देशका बाँकी प्रदेशका पहाडी भू-भागमा चट्याङ्गसहित क्षणिक वर्षाको सम्भावना रहेको महाशाखाको पुर्वानुमान रहेको छ।
त्यस्तै आज राति कोशी प्रदेश र गण्डकी प्रदेशका पहाडी भू-भागमा चट्याङ्गसहित क्षणिक वर्षाको सम्भावना समेत रहेको छ।
- न्युज बहार संवाददाता
