फागुन १४, काठमाडौँ । मौसम पूर्वानुमान महाशाखाले हाल देशमा
पश्चिमी वायुको सामान्य प्रभाव रहेको जनाएको छ। यसको प्रभावले देशको पहाडी
भू-भागमा आंशिक देखि सामान्य बदली रहेको छ भने बाँकी भू-भागमा मौसम सामान्यतया सफा
रहने महाशाखाले जानकारी दिएको छ।
देशको पहाडी भू-भागमा आज दिउँसो आंशिक देखि सामान्य बदली रहनेछ। बागमती प्रदेश, प्रदेश एक, र गण्डको प्रदेशको पहाडी भू-भागका थोरै स्थानहरूमा चट्याङसहित हल्का वर्षाको सम्भावना रहेको छ भने उच्च पहाडी तथा हिमाली भू-भागका थोरै स्थानहरूमा हल्का हिमपातको सम्भावना रहेको छ।त्यस्तै आज राति गण्डकी प्रदेश र प्रदेश एकको हिमाली भू-भाग तथा उच्च पहाडको एक-दुई स्थानमा हल्का हिमपातको सम्भावना रहेको महाशाखाले जनाएको छ।
