चैत २९, काठमाडौँ
। मौसम पूर्वानुमान महाशाखाका अनुसार हाल नेपालमा पश्चिमी वायु र स्थानीय वायुको
आंशिक प्रभाव रहेको छ। यसको प्रभावले देशका पहाडी भूभागमा आंशिक देखि साधरणतया
बदली रही बाँकी भागमा मौसम मुख्यतया सफा रहेको छ ।
आज बिहिबार
दिउँसो कोशी प्रदेश लगायत देशको पहाडी भूभागमा आंशिकदेखि साधरणतया बदली रही बाँकी
भूभागमा मौसम सफा रहने छ भने सुदूरपश्चिम प्रदेश, कर्णाली प्रदेश, कोशी प्रदेश
र गण्डकी प्रदेश
लगायत देशका पहाडी
भूभागको थोरै स्थानहरू साथै बाँकी पहाडी भूभागको एक–दुई स्थानमा चट्याङ्गसहित हल्का
वर्षाको सम्भावना रहेको छ। देशको उच्च पहाडी तथा हिमाली भूभागका थोरै स्थानहरूमा
हल्का हिमपातको सम्भावना रहेको छ ।
आज राति पनि कर्णाली प्रदेश, गण्डकी प्रदेश र
कोशी प्रदेशको पहाडी भूभागका एक–दुई स्थानमा चट्याङ्गसहित हल्का वर्षाको सम्भावना रहेको छ।
- न्युज बहार संवाददाता
