बैशाख
११, काठमाडौँ । मौसम पूर्वानुमान महाशाखाका अनुसार हाल नेपालमा पश्चिमी वायु र
स्थानीय वायुको आंशिक प्रभाव रहेको छ ।
यसको
प्रभावले अहिले सुदूरपश्चिम प्रदेश, कर्णाली प्रदेश र गण्डकी प्रदेशका पहाडी
भू-भागमा आंशिक देखि साधारणतया बदली भई बागमती प्रदेश र कोशी प्रदेशका पहाडी
भू-भागमा आंशिक बदली रही बाँकी भू-भागमा मौसम मुख्यतया सफा रहने छ ।
आज
मंगलबार सुदूरपश्चिम प्रदेश, कर्णाली प्रदेश, गण्डकी प्रदेश, बागमती प्रदेश र कोशी प्रदेशका
पहाडी भू-भागका थोरै स्थानहरूमा मेघगर्जन र चट्याङसहित हल्का वर्षाको
सम्भावना रहेको छ।
त्यसैगरी
आज मधेस प्रदेश लगायत लुम्बिनी प्रदेश र कोशी प्रदेशका तराइका केही
स्थानहरूमा हावाहुरीको सम्भावना रहेको महाशाखाले जनाएको छ ।
- न्युज बहार संवाददाता
