फागुन २०, काठमाडौँ । नेपालमा यस वर्ष पर्यटकको संख्या उल्लेख्य मात्रामा बृद्धी भएको छ ।  नेपालमा अग्रेँजी नयाँ वर्ष सन् २०२४ को सुरुदेखि नै विदेशी पर्यटकको घुइँचो लाग्न थालेको हो ।

सन् २०२४  को पहिलो महिनादेखि नै नेपाल घुम्ने लक्ष्यसहित हवाई माध्यमबाट आउने पर्यटकको सङ्ख्या बढ्दो स्थितिमा रहेको छ । नेपाल भित्रिने विदेशी पर्यटकको संख्या गत वर्ष सन् २०२३ को जनवरी र फेब्रुअरीको तुलनामा यस वर्ष अर्थात २०२४ मा उल्लेख्य मात्रामा बृद्धी  भएको  हो ।

नेपाल पर्यटन बोर्डका अनुसार २०२४ को फेब्रुअरी महिनामा मात्र ९७ हजार ४२६ जना पर्यटक नेपाल भित्रिएका  छन् ।

फेब्रुअरी महिनामा मात्रै झन्डै १ लाख विदेशी नागरिक अध्यागमन विभाग अर्थात हवाई माध्यम मार्फत नेपाल घुम्न आएको नेपाल पर्यटन बोर्डले जनाएको छ । 

१ लाख ७६ हजार ५२६  विदेशी सन २०२४ को जनवरी र फेब्रुअरीमा मात्रै नेपाल भित्रीसकेका छन् ।

• न्युज बहार संवाददाता