भदौ १२, काठमाडौँ । व्यवसायीले प्रधानमन्त्री पुष्पकमल दाहाल 'प्रचण्ड' को आसन्न चीन भ्रमणमा पोखरा क्षेत्रीय अन्तर्राष्ट्रिय विमानस्थल सञ्चालनलाई प्राथमिकता दिन माग गरेका छन्।
व्यवसायीले जनवरी १ देखि विमानस्थल सञ्चालनमा आएको आठ महिना बितेको तर एउटा पनि नियमित अन्तर्राष्ट्रिय उडान हुन नसकेको भन्दै उक्त माग राखेका हुन्।
प्रधानमन्त्री प्रचण्ड आगामी सेप्टेम्बर २१ देखि चीन भ्रमणमा जाने तयारीमा रहेका छन।
नेपाल उद्योग वाणिज्य महासंघका पूर्व अध्यक्ष आनन्दराज मुल्मीले चीन भ्रमणका बेला पोखरा विमानस्थल सञ्चालनलाई प्राथमिकता दिन आग्रह गरिएको बताएका छन।
पोखराका व्यवसायीहरू यसअघि भारत भ्रमणका बेला प्रचण्डले पोखरा विमानस्थल सञ्चालनबारे एजेण्डासमेत नराखेको भन्दै रूष्ट भएका छन्।
- न्युज बहार संवाददाता
