फागुन ११, पोखरा । पोखरा क्षेत्रीय अन्तर्राष्ट्रिय विमानस्थलले
भोलि शुक्रबार देखि रात्रिकालीन सेवा सुरु गर्ने भएको छ।
विमानस्थलले
यसअघि बिहान ६ बजेदेखि दिउँसो ४ बजेसम्म मात्र सेवा दिँदै आएको थियो अब भोली देखी
भने रात्रिकालीन सेवा दिन लागेको हो। विमानस्थल प्रमुख भोलिदेखि १८ घण्टा विमानस्थल
सञ्चालन गर्न लागिएको बताएका छन ।
विक्रम
गौतमले भने ‘भोलिदेखि
बिहान ६ बजेदेखि राती १२ बजेसम्म विमानस्थल संचालनमा आउँछ, यसका लागि सबै तयारी पूरा छ, कुन-कुन विमान कम्पनीले कतिबेला
उडान भर्ने उहाँहरूको कुरा हो।’
पोखारा अन्तर्राष्ट्रिय
विमानस्थलम गत पुस १७ गतेदेखि संचालनमा आएको थियो। विमानस्थलमा उपकरणको सहायताले
विमान उडान तथा अवतरण गराउने इन्स्ट्रमेन्ट फ्लाइट रुल्स (आइएफआर) प्रणाली जडान
गरिएको छ। सोही प्रणालीले रात्रिकालीन उडान भर्ने विमानलाई उडान तथा अवतरण गर्न निर्देश
गर्ने गौतमले बताएका छन।
बुद्ध एयरले
पोखरा विमानस्थलले रात्रिकालीन सेवा दिने भएपछि रात्रिकालीन उडानको तयारी गरिरहेको
छ।
बुद्ध
एयरका प्रवक्ता दीपेन्द्र कर्णले अहिले पोखरा–काठमाडौं र काठमाडौं–पोखरा रात्रिकालीन उडानको तयारी
भइरहेको बताएका छन ।
दीपेन्द्र
कर्णले ‘हामीले
पोखराबाट राती ८ बजे काठमाडौं उडान भर्ने योजना बनाएका छौं, भने
आवश्यकता
अनुसार रात्रिकालीन सेवा थपिन पनि सक्छ।’
