पुस २२, चितवन । आजबाट चितवनमा चरा गणना सुरु भएको छ । पूर्वी चितवनको राप्ती नदी, बूढीराप्ती, ढुम्रे, कसरालगायतका क्षेत्रबाट वर्ड एजुकेसन सोसाइटी चितवनले चरा गणना सुरु गरेको हो । चरा गणना देशभर शनिबारबाट सुरु भएको भए पनि यहाँ आजबाट सुरु गरिएको सोसाइटीका जिल्ला अध्यक्ष टीकाराम गिरीले जनाएका छन ।
चरा गणना चितवन राष्ट्रिय निकुञ्ज र यस आसपासका नदी, तालतलैया तथा सिमसार क्षेत्रलगायत ठाउँमा गरिनेछ भने पूर्वी चितवनमा नौ स्थानमा चरा गणना गरिने जनाइएको छ । गिरीले पूर्वी चितवनमा गणना सकिएपछी पश्चिम चितवनमा सुरु गरिने जानकारी दिएका छन ।
- न्युज बहार संवाददाता
