चैत १८, काठमाडौँ। सुराकीको नाममा मन्त्री र सचिवले खर्च गर्ने प्रणाली खारेज गर्ने निर्णय नवनियुक्त उपप्रधान तथा गृहमन्त्री नारायणकाजी श्रेष्ठले गरेका छन्।
गृहमन्त्रीमा नियुक्त भएपछि उनको यो पहिलो निर्णय हो। श्रेष्ठले गृहमन्त्रीको कार्यभार सम्हाल्दै सूत्रपरिचालन कार्यविधि, २०७८ खारेज गर्ने निर्णय गरेका छन्। आफ्नो यस निर्णयलाई आगामी मन्त्रिपरिषदमा प्रस्तावको रूपमा लैजाने उनले बताएका छन्।
नवनियुक्त गृहमन्त्री गृहमन्त्री नारायणकाजी श्रेष्ठले मिटरब्याज पीडितको समस्या समाधानका लागि अधिकारसम्पन्न आयोग गठन गर्ने निर्णय पनि गरेका छन्।
- न्युज बहार संवाददाता
