बैशाख ३, काठमाडौं महानगरपालिकाले कार्यालयले आफ्नो कार्यलयको सबै सामान काठमाडौं प्लाजामा सर्न सुरू गरेको छ।
प्रशासन विभागका प्रमुख एवं महानगरका सहायक प्रवक्ता दीपक अधिकारीले अहिले महानगरको प्रशासन विभागले जेडिए कम्प्लेक्समा पार्टेसन गरी बनाएका संरचना लिएर काठमाडौं प्लाजामा सामानहरू सार्न सुरू गरेको जानकारी दिएका छन। उनका अनुसार सामान सार्ने काम महानगरको प्रशासन विभागबाट सुरू गरिएको छ।
उनले भने 'कम्प्लेक्सको छैटौं तलामा रहेको विभागसँगै प्रमुख प्रशासकीय अधिकृतको सचिवालय, अन्तर्राष्ट्रिय सम्बन्ध सचिवालय र पाँचौं तलामा रहेको वित्त विभाग, आन्तरिक लेखा परीक्षण एकाइका पार्टेसन खोल्ने काम बुधबारदेखि सुरू हो।'
महानगरले छरिएर बसेका सबै संरचना र सेवालाई एउटै ठाउँमा ल्याएर सेवा प्रवाहलाई व्यवस्थित गर्न प्लाजा भाडामा लिएको जानकारी गराएको छ।
- न्युज बहार संवाददाता
