असार ३१, काठमाडौँ । आज प्रतिनिधिसभा बैठक बस्ने भएको छ । नयाँ बानेश्वर स्थित सङ्घीय संसद् भवनमा आज दिउँसो १ बजेका लागि बैठक बोलाइएको छ ।
आजको बैठकमा कानुन, न्याय तथा संसदीय मामिला मन्त्री धनराज गुरुङले ‘केही नेपाल ऐन संशोधन गर्न बनेको विधेयक २०८०’ लाई प्रस्तुत गर्ने कार्य सुची रहेको सङ्घीय संसद् सचिवालयले सार्वजनिक गरेको कार्यसूचीमा उल्लेख गरिएको छ।
यसैगरी राष्ट्रिय सभामा उत्पत्ति भएको ‘नेपाल विश्वविद्यालय विधेयक २०८०’ माथि बिचार गरियोस् भन्ने प्रस्ताव शिक्षा विज्ञान तथा प्रविधि मन्त्री अशोककुमार राईले प्रस्तुत गर्ने कार्यसूचीमा उल्लेख गरिएको छ ।
- न्युज बहार संवाददाता
