असोज १५, काठमाडौँ । म्याद नाघेको बियर काठमाडौँको ठमेलमा रहेको एक दोहोरी साँझमा बिक्री गर्ने गरेको पाइएको छ । काठमाडौँ महानगरपालिकाले ठमेलस्थित गामबेंसी दोहोरी साँझमा बजार अनुगमनको क्रममा ग्राहकलाई म्याद नाघेको बियर बिक्री गर्ने गरेको पाइएको जनाएको छ ।
आइतबार साँझ सो दोहोरी साँझमा एक जना ग्राहकले कार्ल्सवर्ग बियर पिउने क्रममा म्याद गुज्रेको फेला पारे लगत्तै काठमाडौँ महानगरमा उजुरी गरेका थिए ।
सोमबार महानगरको अनुगमन टोली उनै व्यक्तीको उजुरीका आधारमा सो दोहोरी साँझमा पुगी टोलीले स्टोर्समा छड्के अनुगमन गर्दा ८ वटा म्याद गुज्रेको बियर फेला परेको महानगरले जनाएको छ।
महानगरका अनुमगन निरीक्षक डा. अवधेश झाले म्याद गुज्रेको बियर भेटेपछि तत्काल स्टोर्सका सञ्चालक देवदास मानन्धरलाई चेतावनीसहित दुई लाख रुपैयाँ जरिवाना गरिएको गराएको छ ।
- न्युज बहार संवाददाता
