फागुन १२, हेटौंडा । मकवानपुरमा जंगली
हात्तीको आक्रमणमा एक जना पुरुषको मृत्यु भएको छ ।
प्रहरीले मृत्यु
हुनेमा बकैया गाउँपालिका–५, पावसका ५० वर्षीय जनकलाल माझीको रहेको
जानकारी दिएको छ । घर नजिकै बाख्रा खोरमा बिहीबार राति ९ बजेको समयमा जाँदै गरेका
माझीलाई अचानक हात्तीले आक्रमण गरेको थियो। उनलाई घाईते अवस्थामा हेटौंडा अस्पताल
लगिएको थियो भने उनको उपचारको क्रममा राति ११ बजे मृत्यु भएको जिल्ला प्रहरी
कार्यालय मकवानपुरका प्रहरी निरीक्षक बलराम श्रेष्ठले जानकारी दिए ।
मकवानपुरका प्रहरी निरीक्षक बलराम
श्रेष्ठका अनुसार यसअघि गत
सोमबार पनि हात्तीको
आक्रमणमा परी मकवानपुरको मनहरी गाउँपालिका–४ मसिनेकी ६४ वर्षीया राधा
अधिकारीको मृत्यु भएको थियो ।
