बैशाख
१३, काठमाडौँ । बैशाख १० गते भएको प्रतिनिधी सभा उपनिर्वाचनमा चितवन क्षेत्र नम्बर
२ बाट भारी मतले विजयी राष्ट्रिय स्वतन्त्र पार्टीका सभापति रवि लामिछानेले
चौतर्फी प्रहार र लाञ्छनाको जवाफ चितवन–२ ले दिएको बताएका छन् ।
लामिछानेले गत आइतबार भएको उपनिर्वाचनमा फराकिलो मतान्तरले विजयी भएका हुन। विजयी भएपछी जिम्मेवारी थपिएको जनाउँदै सत्कर्मले विश्वासको गुन तिर्ने प्रतिबद्धता समेत उनले गरेका छन् ।
विजयी भएपछी चितवन २ का मतदाताहरुलाई धन्यवाद दिँदै लामिछानेले भनेका छन्, ‘चितवन– २ सहित देशैभर गर्नुपर्ने काम धेरै छन्, तपाईंहरुकै भर र समर्थनमा विशेषतः राजनीतिलाई भूइँमान्छेसँग जोड्न र मुलुकलाई समृद्ध बनाउने अभियानका अवरोध तोड्न इमानका साथ लागिरहने छु, चौतर्फी प्रहार र लाञ्छनाको जवाफ चितवन–२ का मतदाताले दिनुभएको छ।’
- न्युज बहार संवाददाता
