साउन २३, काठमाडौँ । राप्रपाका तर्फबाट बोल्दै राजेन्द्र लिङ्दनले प्रमुख तीन दलले पुरै देश र संसदलाई बन्धक बनाएको आरोप लगाएका छन् ।
आज मंगलबार प्रतिनिधि सभाको बैठकको आकस्मिक समयमा बोल्दै लिङ्दनले विरोध जनाउँदै तीन दलले जे भन्छन् अरुले त्यही मान्नुपर्ने अवस्था बनाइएको भनि आरोप लगाएका हुन ।
उनले प्रश्न गर्दै भने ‘केही दलहरु मिलेर पुरै देशलाई, संसदलाई बन्धक बनाउन मिल्छ ? तपाईहरु रातारात सल्लाह गर्ने, तीनवटा दलले निर्णय गर्यो भनेपछि हामी लुरुलुरु पछि लाग्नुपर्ने?’
उनले सभामुख देवराज घिमिरेलाई समेत प्रश्न गर्दै भने ‘तीन दल बसेर निर्णय गर्नुपर्ने गैरसंवैधानिक अभ्यास संसदमा कसरी भइरहेको छ ?’
- न्युज बहार संवाददाता
