असार ९, काठमाडौँ । गृहमन्त्री रवि लामिछानेले सहकारी ठगीमा फरार जीबी राईलाई पक्राउ गर्ने भन्दा भगाउने नियत राखेको नेपाली कांग्रेसका महामन्त्री विश्वप्रकाश शर्माले बताएका छन् ।
आज आइतबारको
प्रतिनिधिसभा बैठकमा बोल्दै महामन्त्री शर्माले सहकारी ठगीमा मुछिएका गृहमन्त्री
लामिछानेले जीवी राईलाई पक्राउ गर्नेभन्दा भगाउने चाँही नियत राखेको बताएका हुन् ।
यस विषयमा उनले भने ‘तत्कालीन गोरखा मिडिया नेटवर्कका मालिक मध्य एक जना
गृहमन्त्री छन्, एक जना
फरार छन् । सहकारी
ठगीमै अनुसन्धानको दायरामा रहेका गृहमन्त्रीजीले सहकारी ठगीमा फरार भएको व्यवसायी साथीलाई गिरफ्तार गर्नु छ, लोकेसन पत्ता लागिसक्यो भनेर माइकबाटै
फुक्नुको अर्थ के हुन्छ ?, अभिव्यक्ति
पक्रिने नयाँ शैली हो ? केटाकेटीपन
हो या भगाउने नियत हो ?’
- न्युज बहार संवाददाता
