पुस २९, काठमाडौँ ।  सहकारीको पैसा अपचलन गरेको भन्दै आफूमाथि लगाइएको आरोपको खण्डन राष्ट्रिय स्वतन्त्र पार्टीका सभापति रवि लामिछानेले गरेका छन् । सभापति लामिछानेले राष्ट्रिय स्वतन्त्र पार्टीको वार्षिक कार्यप्रगति प्रतिवेदन सार्वजनिक कार्यक्रममा बोल्दै विगतदेखि विभिन्न खालका पीडितहरूको पक्षमा बोल्दै आएको व्यक्ति आज पीडक बन्न नसक्ने बताएका हुन । उनले कोही कसैले आफूविरुद्ध प्रतिशोध साँधे पनि त्यसको मतलब नगरी देश र समाजका साझा समस्या समाधानका लागि लागिपरेको उनले बताए ।

यस विषयमा बोल्दै उनले भने–‘पाँच सात वर्ष नेपाली नागरिकलाई सेवा गरेर त्यही विरासतमा टेकेर राजनीतिमा आएको हुँ, म कसरी पीडक हुन सकुँला र ? पीडितहरूको पक्षमा चर्को आवाज उठाएर आएको मैले कसैलाई कसरी पीडित बनाउन सकुँला र ? तर बारम्बार हेडलाइन बनेर आइसकेपछि कतिपय मान्छेलाई यो पनि त्यस्तै रहेछ भन्ने लाग्छ, तपाईंको नेता पनि देखिइहालियो नि पत्रिका पढ्नुभएन ? भनेको सुनेको छु, म सधैँ खुला छु, म कहिल्यै लुकेर हिँडेको छैन ।’ 

• न्युज बहार संवाददाता