भदौ २, काठमाडौँ । जलवायु परिवर्तन कुनै भूगोल र सिमाना नचिन्ने सीमाविहीन र मानव सभ्यताको सङ्कट भएको परराष्ट्रमन्त्री डा. आरजु राणा देउवाले बताएकी छन्।
मन्त्री राणाका अनुसार यो समस्याको समाधानका लागि सबै देशको सामूहिक सहकार्य आवश्यक हुन्छ ।
उनले आजदेखि राजधानीमा हिन्दूकुश हिमालय क्षेत्रका देशका सांसदहरुको सुरु भएको सम्मेलनलाई सम्बोधन गर्दै यस्तो बताएकी हुन । यस विषयमा उनले भनिन ‘यो मानव सभ्यताका खिलाफको साझा समस्या हो, यसले कुनै देश, भूगोल, राजनीतिक दललाई चिन्दैन, यही हिसाबले यसको समाधान खोज्नुपर्छ, यसका लागि सबैको साझा प्रयास जरुरी छ ।’
- न्युज बहार संवाददाता
