फागुन २०, काठमाडौँ । महाशिवरात्रीको अवसरमा पशुपति क्षेत्रमा ७ दिनसम्म मेला चल्न ठेक्का दिएपनि १८ दिनसम्म पनि मेला चलेको पाइएको छ ।

संस्कृति, पर्यटन तथा नागरिक उड्डयन मन्त्रालयले धार्मिक आस्था बोकेको पशुपतिमा ठेकेदार र पशुपति विकास कोषका कर्मचारीको निहीत स्वार्थमा व्यापारको अखडा बनाएको भन्दै शुक्रबार छानविन समिति बनाएको छ । 

मन्त्री सुदन किरातीको निर्देशनमा कोषले महाशिवरात्रिको अवसरमा आयोजना गरेको मेला तोकिएको समय अवधिभन्दा बढी लगाइएको गुनासो आएको भन्दै मन्त्रालयले छानबिन समिति गठन गरेको हो ।  मन्त्रालयका सहसचिव राजेन्द्र कुमार केसी सहितको संयकत्वमा गठीत छानविन समितिले ७ दिनभित्र सत्यतथ्य पत्ता लगाई प्रतिबेदन बुझाउनु पर्ने भनिएको छ। तीन सदस्यीय समतिका सदस्यमा केसीसँगै मन्त्रालयका उपसचिव अर्जुन राई र शाखा अधिकृत जयन्ती श्रेष्ठ पनि समावेश छन् । 

मेलाको ठेक्का अवधि जम्मा कति दिनको हो ? कस्लाई र कसले  ठेक्का दिईएको हो ? किन समयावधिभन्दा धेरै दिन मेला चलिरहेको छ वा चल्न दिइएको हो? कोषका कर्मचारीको यस पक्षमा मिलेमतो छ वा छैन भन्नेबारे विस्तृत छानविन गरेर प्रतिवेदन बुझाउने मन्त्रालयका सचिव सुरेश अधिकारीले समितिलाई कार्यादेश दिइएको छन । 
 

• न्युज बहार संवाददाता