जेठ १८, काठमाडौँ। आज बिहीबार पनि नेपाली बजारमा सुनको मूल्यले फेरि नयाँ रेकर्ड बनाएको छ।
सुनको मुल्य आज प्रतितोला पाँच सय रुपैयाँ बढेर फेरि नयाँ रेकर्ड राखेको छ।
आज छापावाल सुन प्रतितोला एक लाख १२ हजार पाँच सय रुपैयाँ र तेजाबी सुन प्रतितोला एक लाख ११ हजार नौ सय ५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।
त्यसैगरी, आज बिहीबार चाँदीको मूल्य पनि बढेको छ। आज चाँदी प्रतितोला १० रुपैयाँ बढेर प्रतितोला १४ सय १० रुपैयाँमा कारोबार भइरहेको छ।
सुन–चाँदी व्यवसायीहरू सरकारले भन्सार दर बढाएका कारण सुनको मूल्य बढेको बताएका छन्।
सोही कारण मंगलबारदेखि आज बिहीबारसम्म सुन प्रतितोला चार हजार चार सय रूपैयाँ बढेको छ।
- न्युज बहार संवाददाता
