चैत
७, काठमाडौँ। सुनको मूल्यले नेपाली बजारमा नयाँ नयाँ रेकर्ड राख्ने क्रम जारी रहेको
छ। यहीआइतबार सुनको मूल्य हाल सम्मकै उच्च
बिन्दुमा पुगेर नयाँ कीर्तिमान कायम गर्न सफल भएको थियो भने त्यसको भोलिपल्ट अर्थात
सोमबार फेरी सुनको मुल्य घटेको थियो।
हिजो
सोमबार प्रतितोला सात सय रुपैयाँ घटेको सुनको मूल्य आज मंगलबार फेरि प्रतितोला
पाँच सय रुपैयाँले बढेको छ।
आज छापावाल
सुन प्रतितोला एक लाख नौ हजार आठ सय रुपैयाँमा कारोबार भइरहेको नेपाल सुनचाँदी
व्यवसायी महासंघले जानकारी दिएको छ।
आजको यो
मूल्य पछिल्लो रेकर्डभन्दा प्रतितोला दुई सय रुपैयाँ मात्र कम हो।
त्यसैगरी, आज मंगलबार चाँदीको मूल्य पनि बढेको
छ। आज चाँदी प्रतितोला १३ सय ४० रुपैयाँमा कारोबार भइरहेको महासघंले जनाएको छ। सोमबारको तुलनामा आज मंगलबार चाँदी
प्रतितोला १० रुपैयाँ बढेको हो।
- न्युज बहार संवाददाता
