भदौं १३, विराटनगर । कोदोको पिठोबाट बिस्कुटको उत्पादन र बजारीकरण गर्न विराटनगरको एसियन बिस्कुट इन्डस्ट्रिजले सुरु गरेको छ । एसियन विज्ञप्तिमा उल्लेख  गरिएअनुसार नेपालमा यो नै पहिलो पटक कर्पोरेट लेभलबाट कोदोको बिस्कुट उत्पादन सुरु गरिएको हो ।

घरेलु र लघु उद्योगस्तरमा स्थानीय उत्पादनका रूपमा पश्चिम नेपालमा यस्तो बिस्कुटको उत्पादन गर्दै आएको एसियनले अहिले भने एकै पटक देशभरि नै बजारीकरण र निर्यात समेत गर्ने उद्देश्यले कोदोको बिस्कुट उत्पादन गरेको छ। एसियन बिस्कुट इन्डस्ट्रिजले अटोमेटिक मेसिनबाट ठुलो परिमाणमा कोदोको बिस्कुटको उत्पादन गर्न सुरु गरेको जनाएको छ।

उद्योगले नेपालका कच्चा पदार्थको प्रवर्धन र मानव स्वास्थ्यलाई दृष्टिगत गर्दै कोदोको पिठोबाट बिस्कुटको उत्पादन सुरु गरेको बताएको छ । यस बिस्कुटको मुख्य कच्चा पदार्थ नेपालकै पहाडी क्षेत्रमा उत्पादन कोदो भएको उद्योगका सञ्चालक आशिष् जाजूले बताएका छन ।

• न्युज बहार संवाददाता