फागुन १९, चितवन । ‘उज्यालो सहर’ अभियान अन्तर्गत भरतपुर महानगरपालिकाले चितवनको नारायणगढस्थित नारायणी पुलमा स्मार्ट बत्ती जडान गरेको छ । महानगरकी मेयर रेणु दाहालले साँझमा बत्ती बालेर स्मार्ट बत्तीको उद्दघाटन गरेकी हुन् ।

गएको जेठमा आएको हावाहुरीले पूलमाथि राखिएका पोलहरु ढालेको थिए । राष्ट्रिय सडक बत्ती प्रवर्द्धन आयोजना अन्तर्गत भरतपुर महानगरपालिका र नेपाल विद्युत प्राधिकरणको संयुक्त पहलमा पुलमा १४ वटा पोल राखेर स्मार्ट बत्ती जडान गरिएको छ । 

पोलमा राखिएका सबै बत्ती डिजिटल माध्यमबाट बाल्न र निभाउन मिल्ने सुबिधा भएको डिजिटल बत्ती हो । पुलमाथि बत्ती बलेपछी रातको समयमा बाह्य सर्वसाधरणलाई र स्थानीयलाई ओहोर दोहोर गर्न सजिलो भएको छ । 

पुलले भरतपुर महानगरपालिकाको नारायणगढ र गैंडाकोट नगरपालिकाको गैंडाकोटलाई आपसमा जोदेको छ । पहिलो चरणमा ७८.१ किलोमिटर र दोस्रो चरणमा ११८ किलोमिटर क्षेत्रमा थप सडक बत्ती राख्ने तयारी भरतपुर महानगरले गरेको छ । 

• न्युज बहार संवाददाता