माघ २८, कास्की । पोखराको लेकसाइडस्थित सेल्वेज सपिङ सेन्टरको गोदाममा आगलागी भएको छ। कास्की प्रहरी प्रमुख एसपी अजय केसीले आज शनिबार साँझ नै आगलागी भएकाले अहिले पनि निभाउने प्रयास जारी रहेको जानकारी दिएका छन।
एसपी केसीले बताए अनुसार लेकसाइड सपिङ सेन्टरभित्र रहेको सेल्वेजको अण्डरग्राउण्डमा आगलागी भएकाले आगो निभाउन केही मुस्किल परेको हो।
एसपी अजय केसीले बताए “अण्डरग्राउण्डमा आगलागी भएकाले निभाउन मुस्किल परेको छ, अन्य पसलमा आगो फैलिन नदिन प्रयास जारी छ, लगभग आगलागी नियन्त्रण हुँदैछ।"
आगलागी के कारणले भयो भन्नेबारे अहिले खुलेको छैन।
