कार्तिक
१, काठमाडौँ । वडा दसैँ वा नवरात्रको आज चौँथो दिन नौ दुर्गामध्येकी चौँथो कुष्माण्डा
देवीको विधिपूर्वक पूजा आराधना गरिँदै छ ।
प्रत्येक
वर्ष दुर्गा पक्षको चौँथो दिन अर्थात आश्विन शुक्ल चतुर्थीका दिन कुष्माण्डा
देवीको विधिपूर्वक पूजा आराधना गर्ने गरिन्छ । घटस्थापना गरिएको स्थलमा नवरात्रका
नौ दिन दुर्गा सप्तशती (चण्डी), श्रीमद्देवीभागवत लगायत देवी स्तोत्र पाठसमेत गरिन्छ ।
नवरात्री भर देवीको आराधना गरी पूजा गरेमा शक्ति, ऐश्वर्य र विद्या प्राप्त हुने
धार्मिक विश्वास रहेको छ ।
वैदिक
सनातन धर्मावलम्बीले यसै आधारमा प्रत्येक वर्ष आश्विन शुक्ल प्रतिपदादेखि नवमीसम्म
दुर्गा देवीको विशेष आराधना गर्ने गरेका छन । विजयादशमीदेखि कोजाग्रत पूर्णिमाका
दिनसम्म नौ दिनसम्म पूजा आराधना गरेको प्रसाद लगाइन्छ । यसरी १५ दिनसम्म नेपालीले
बडादसैँ पर्व मनाउँछन् ।
- न्युज बहार संवाददाता
